Helena er farin að skríða

Þá er skvísan farin af stað. Litla snúllan okkar er farin að skríða. Mikið líður tíminn hratt! Hún byrjaði fyrst í bakkgír, renndi sér afturábak á maganum eftir stofugólfinu. En svo fór hún að fara uppá fjórar, en vissi ekki alveg hvernig þetta virkaði allt saman (hendi, fótur, hendi, fótur.....o.s.frv.). En svo kom þetta hægt og rólega en nú er þetta bara alveg komið, svo ég held að það sé komin tími til að fara að gera húsið barnvænt fyrir svona skriðdýri :-) Þó að hún sé nú alveg á áætlun skvísan og kannski bara dáldið snemma í þessu, einnig miðað við hvað hún er fíngerð þá slær nú vinur hennar hann Einar í Aberdeen öll met. Hann er sko viku yngri en Helena en hann byrjaði að skríða um miðjan desember síðastliðin, takk fyrir. Hörku strákur hann Einar. Mér skillst að mamma hans hafi nú verið farin að hlaupa um stofugólfin 9 mánaða. Svo hann hefur nú greinilega ekki langt að sækja þetta!