Fyrsta ferð Helenu til útlanda

Jæja, þá erum við að leggja í hann í fyrramálið. Við, litla fjölskyldan erum að fara til Stokkhólms að heimsækja Daða bróðir og Huldu. Þetta verður fyrsta flugferð Helenu. Ég er ekkert smá spennt :-) Við ætlum að vera frá föstudegi fram á þriðjudag. Fá smá sænska jólastemmningu!!!! Svo verða Daði og Hulda samferða okkur heim. En þau fóru sem sagt utan í haust og skelltu sér bæði í verkfræðinám, Daði í vélaverkfræði og Hulda í eðlisverkfræði. Spennandi, finnst ykkur ekki? Þetta nám er svona frekar fjarlægt manni. En svona erum við jú ólík. En þetta á eftir að gefa þeim heilmikinn pening þegar þau fara að vinna! En hvað ætli planið sé nú að gera í Stokkhólmi þessa daga......hmmmm.....jú auðvitað að heimækja Daða bróðir og Huldu og skoða þessa fallegu borg. En, o.k. ....ég skal viðurkenna hvað liggur á bak við þetta.....bara okkar á milli. Þetta er sko einskonar pílagrímsferð fyrir mig....já....því þeir Hennes og Mauritz fæddust í Stokkhólmi og er því Stockhólmur eins konar Mecca H&M. En ég gekk í þennan trúflokk fyrir nokkrum árum þegar ég bjó úti í Danmörku. H&M er nefnilega nokkuð útbreyddur um allan heim. Til þess að vera virk í trúnni þá reyni ég alltaf að heimsækja H&M ef ég fer erlendis. Ég fæ mikla orku úr þeirri heimsókn og kem alltaf mjööög glöð og endurnærð heim. En jæja, nóg um það. Ætli það sé ekki best að fara í háttinn. Þurfum að vakna snemma. Ég lofa svo ferðasögu þegar við komum aftur. Bless í bili, Lára